« يا فجر».. عزة السعدني

يارب تيجى بقى بالخير وبالأفراح

كفاية عليا بكى زادت قوليبى نواح

ببركة المصطفى يطلع نهارنا فلاح

ويهل نور ربنا علينا كل صباح

مليان بشوق وحنين لرحمة م الفتاح

دعيت كتييييير يارب

تقبلنى وتكونلى سند مليش غيرك سندى

ويكون صلاح الحال والهدى زاد ولدى

ترحم قوليبى بقى على بنتى ويا أختها

تبعد يارب عنهم كل الأذى والضيق

وتكون لهم م الصحبة يارب خير رفيق

نور لهم سكتك

واجعلهم من الصالحين

بدعيك يارب تقبل دعواتى ليوم الدين

صلوات ربي وسلامه على خير خلق الله

صلوا عليه تأجروا بالواحدة ألف صلاة