مركب غرق
قلبي اتحرق
صرخ الضمير
صوتي إتسرق
أنا كنت فاكر من زمان
إن للإنقاذ فرق
وإن فيه حرس حدود
وإن للإنسان وجود
وإن للباطل حدود
وإن اللي راح ممكن يعود
وإننا من غير قيود
ولسه فينا الحب حي
اترينا أموات من زمان
وبس أحياء ع الورق
آاااه يا بلد
غرق الولد
مات الولد
معصوب عنيه
متغمي مش شايف طريقه
ودنيته بتلف بيه
كان ذنبه إيه
لو إن ذنبه انه اتولد وسط الوحوش
طب مين يحوش ؟!
عالم غبي حكماه جحوش
وف ساعه الموت والغرق
بانت لنا كل الوشوش
يااا رب حوش عنا البلاء يااا رب حوووش
التسميات :
إبداعات